القائمة الرئيسية

الصفحات



السلام عليكم ورحمة الله وبركاته متابعينا الكرام. كلنا في مِصر لاحظنا الأنظمة الجديدة للإنترنت الأرضي والتي بدأتها الشركة الحكومية WE "وي"، وبدأت شركات الإتصالات الأخرى تباعًا بتطبيق نفس الأنظمة على عملائها الواحدة تلو الأخرى.

من بين مؤيدٍ ومعارض لهذه الباقات الجديدة خاصةَ وبعد ممارسات شركة وي بتغيير أنظمة عملائها دون طلبهم لأنظمتهم الجديدة تلك وكذلك أن الباقات صغيرة وغير كافية أمام تلك السرعات العالية مما يجعلها تنتهي قبل نهاية الشهر ويبقى العميل أمام خيارين لا ثالث لهما: إما أن يقوم بشحن باقات إضافية مما يُمثل عبئًا ماليًا عليه أو أن يضطر للإنتظار لحين ميعاد التجديد على سرعة بطيئة جدًا 256Kbps وهي حتى لن تسمح له بتصفح الفيسبوك.


حتى الآن  شركات الاتصالات في مصر قامت بإلغاء أنظمتها القديمة تمامًا ولم يتاح فيها إلا السرعات الجديدة، وهي: وي وفودافون وأورانج واتصالات، أما شركة نور أيه دي إس إل (NOOR ADSL) لازالت على سرعاتها.

مقالات مقترحة: شرح الاشتراك وباقات شركة نور adsl



خلينا نقارن ما بين الـ4 شركات من حيث سعة الباقات والسرعة بعد انتهاء الباقة والباقات الإضافية والسعر وخلافه وكل سعر هقوله هيكون شامل ضريبة القيمة المضافة 14%




شركة "WE" أو تي ايه داتا (TE Data) سابقًا



الشركة عندها 3 أنظمة أساسية، وهي: سوبر - ميجا - الترا

باقات السوبر



السرعة في باقات السوبر تصل حتى 30 ميجابت/الثانية وسرعة أبلود 2 ميجابت/الثانية، وتحتوي على 3 باقات:

  1. 140 جيجابايت بسعر 136.8 ج
  2. 250 جيجابايت بسعر 239.4 ج
  3. 600 جيجابايت بسعر 570 ج

باقات الميجا



السرعة في باقة الميجا تصل لـ 70 ميجابت/الثانية وسرعة أبلود 7 ميجابت/الثانية، وعلشان توصلك محتاج يكون خطك اتحول لفايبر والبورت بتاعك فايبر، وفيها باقة واحده بس:

  1. 250 جيجابايت بسعر 353.4 ج

باقات الالترا




السرعة فيها بتصل لـ 100 ميجابت/الثانية وسرعة أبلود 10 ميجابت/الثانية، وعلشان توصلك محتاج يكون خطك اتحول لفايبر والبورت بتاعك فايبر، وفيها باقتين بس:

  1. 250 جيجابايت بسعر 467.4 ج
  2. 600 جيجابايت بسعر 798 ج

في الـ3 أنظمة لما الباقات الأساسية بتخلص قبل معاد التجديد السرعة بتنزل جامد (غير محدودة) لـ 256 كيلوبت/الثانية يعني ربع ميجا وده هيخلي النت عندك كأنه شبه منعدم، ويبقى قدامك خيار واحد علشان ترجع لسرعتك الأساسية تاني لحد معاد التجديد، وهو أنك تشتري باقات إضافية ومش متاح ليك التجديد قبل معاد التجديد.


طب ايه هي الباقات الإضافية؟

عندك 3 باقات إضافية، وبتكون صلاحيتها 30 يوم يعني لو معاد التجديد بتاع نظامك الأساسي ولسه مخلصتش الجيجات الإضافية فهتترحل معاك للشهر الجديد، وهي:
  1. 20 جيجابايت بـ 43.2 ج
  2. 50 جيجابايت بـ 68.4 ج
  3. 100 جيجابايت بـ 114 ج
وطبعًا برضه باقات قليلة جدًا مقارنةً بالسرعات العالية اللي هيخليها تخلص في فترة قصيرة!

والراوتر VDSL بإيجار شهري 5.70 جنيهًا شاملًا الضريبة.


مقال مقترح: تفاصيل عرض الراوتر بـ5 جنيه شهريًا


فودافون



الشركة معندهاش فيها 3 سرعات: سرعة تصل إلى 30 ميجا وسرعة تصل الى 70 ميجا وسرعة تصل إلى 100 ميجا.

سرعة تصل إلى 30 ميجابت/الثانية


والسرعة دي فيها 4 باقات:
  1. 140 جيجابايت بـ 136.8ج
  2. 175 جيجابايت بـ 171 ج
  3. 300 جيجابايت بـ 285 ج
  4. 600 جيجابايت بـ 570 ج

سرعة تصل إلى 70 ميجابت/الثانية

والسرعة دي مفيهاش غير باقة واحدة بس:
  1. 300 جيجابايت بـ 399 ج

سرعة تصل إلى 100 ميجابت/الثانية



والسرعة فيها باقتين بس:
  1. 300 جيجابايت بـ 513 ج
  2. 600 جيجابايت بـ 798 ج

عروض: وحاليًا فيه عرض للمشتركين الجدد بخصم 25% من الإشتراك الشهري لكل باقة لمدة 6 شهور
وبرضه الباقات الأساسية لما بتخلص قبل معاد التجديد بتنزل السرعة لـ 256 كيلوبت/الثانية، ولكن بيكون ليك خيارين علشان ترجع لسرعتك الأساسية:
الأول: أنك تجدد أشتراكك قبل معاد التجديد عادي.
الثاني: أنك تشتري باقات إضافية، وهي:
  1. 5 جيجابايت بـ 11.4 ج
  2. 15 جيجابايت بـ 28.5 ج
  3. 50 جيجابايت بـ 68.4 ج
  4. 100 جيجابايت بـ 114 ج
وسرعة الأبلود في السرعات الثلاثة هي 1 ميجابت/الثانية

وبالنسبة للراوتر فإنه بإيجار شهري 5.70 جنيهًا شاملة الضريبة تُضاف على قيمة الإشتراك الشهري.

إعرف تفاصيل أكتر من خلال المقال ده: تفاصيل عرض الراوتر بـ5 جنيه


أورانج



الشركة فيها الـ3 سرعات: 30 و70 و100 ميجابت.

سرعة 30 ميجابت/الثانية



السرعة فيها 4 باقات، وسرعة الأبلود فيها 3 ميجابت/الثانية:
  1. 140 جيجابايت بـ 136.8 ج
  2. 180 جيجابايت بـ 171 ج
  3. 300 جيجابايت بـ 285 ج
  4. 500 جيجابايت بـ 456 ج
والراوتر مجانًا.

سرعة 70 ميجابت/الثانية



هي باقة واحدة بس، وسرعة الأبلود فيها 7 ميجابت/الثانية:
  1. 250 جيجابايت بـ 342 ج

سرعة 100 ميجابت/الثانية



فيها باقتين، وسرعة الأبلود فيها 10 ميجابت/الثانية:
  1. 400 جيجابايت بـ 570 ج
  2. 600 جيجابايت بـ 798 ج
وبالنسبة للراوتر فإنه بإيجار شهري 5.70 جنيهًا شاملة الضريبة تُضاف على قيمة الإشتراك الشهري.

إعرف تفاصيل أكتر من خلال المقال ده: تفاصيل عرض الراوتر بـ5 جنيه


عروض: وحاليًا فيه عرض للمشتركين الجدد بخصم 50% من الإشتراك الشهري لكل باقة بدءً من باقة Home Inernet 150 لمدة 6 شهور

وبرضه لما الباقة الأساسية بتخلص قبل معاد التجديد بتنزل السرعة لـ 256 كيلوبت/الثانية غير محدودة وعلشان تقدر ترجع لسرعتك محتاج تشحن جيجات إضافية، سعر الجيجابايت الإضافية بـ 1.5 ج وبتكون الجيجات اللي انت اشتريتها متاحة ليك في أي وقت يعني تستخدم منها اللي انت تستهلكه لحد معاد التجديد ولو فضل جيجات تقدر تستخدمها في أي شهر تاني عادي بدون مدة صلاحية محددة للجيجات الإضافية دي،
ومش متاح ليك التجديد قبل معادك.



اتصالات



الشركة فيها 5 باقات اساسية للسرعات الثلاثة: 30 ميجا - 70 ميجا - 100 ميجا


باقات سرعة 30 ميجابت/الثانية

وللسرعة دي فيها 3 باقات:
  1. VDSL 120: سعة الإستخدام 140 جيجابايت وسرعة أبلود 2 ميجابت/الثانية بسعر 136.8 ج
  2. VDSL 170: بتديك سعة استخدام 200 جيجابايت وسرعة أبلود 2 ميجابت/الثانية بسعر193.8 ج
  3. VDSL 500: بتديك سعة استخدام 600 جيجابايت وسرعة أبلود 2 ميجابت/الثانية بسعر 570 ج

باقة سرعة 70 ميجابت/الثانية

والسرعة دي فيها باقة واحدة بس:
  1. VDSL 310: بتديك سعة استخدام 250 جيجابايت وسرعة أبلود 7 ميجابت/الثانية بسعر 353.4 ج

باقة سرعة 100 ميجابت/الثانية

وبرضه السرعة فيها باقة واحدة بس:
  1. VDSL 410: بتديك سعة استخدام 250 جيجابايت وسرعة أبلود 25 ميجابت/الثانية بسعر 467.4 ج
والباقات لما بتخلص قبل معاد التجديد السرعة برضه بتنزل لـ 256 كيلوبت/الثانية غير محدودة، وعلشان ترجع تاني لسرعتك الأساسية بتكون مضطر تشحن باقات إضافية بحد أقصى مرة واحدة بس في الشهر وصلاحيتها 30 يوم من تاريخ الشراء،
وهي 4 باقات:
  1. 5 جيجابايت بـ 11.4 ج
  2. 20 جيجابايت بـ 28.5 ج
  3. 50 جيجابايت بـ 68.4 ج
  4. 100 جيجابايت بـ 114 ج
وبالنسبة للراوتر فالراوتر العادي الـ ADSL المجاني بيكون متاح بس أقصى سرعة يقدر يشيلها هي 24 ميجابت/الثانية، أما الراوتر VDSL اللي يقدر يشيل لحد 100 ميجابت/الثانية فسعره حاليًا 5 جنيهًا شهريًا



مقارنة سريعة بين باقات الشركات الأربع





في النهاية بس أنا عايز أقول حاجتين أخيرة:

  •  خلوني أفترض أن من الطبيعي إن الإنترنت يبقى فيه باقات للإنترنت وأن من الطبيعي برضه أن السرعة تنزل لـ 256 كيلوبت تمام. الأول كانت السرعة 5 ميجابت والباقة 100 جيجابايت كانت بتمشي الحال لأخر الشهر ولما مكانتش بتكفي لآخر الشهر السرعة تقوم نازله لـ1 ميجا يعني تقدر تستخدم النت من غير أي مشاكل، دلوقتي السرعة زادت لـ6 أضعاف علشان تبقى 30 ميجا اما الباقة زادت 40% بس !!! يعني السرعة زادت 6 أضعافها والباقة 40% بس يعني الباقة هتخلص في أقل من 5 أو 10 أيام وايه اللي هيحصل ؟! السرعة تقوم نازله لربع ميجا يعني النت ميت حرفيًا ودي اللي المفروض تتعايش معاها لباقي العشرين يوم يا إما تضطر تشتري باقات إضافية يعني تكلفة إضافية عليك !! يعني انت حرفيًا مُجبر تدفع علشان تكمل.. ومش كل الناس في مصر (الغالبية العظمى مننا) مش هتقدر تعمل كدا، إحنا مش بنشتغل علشان ندفع للنت!

    فيا شركات الإنترنت: أزاي تعلوا السرعات 6 أضعافها والباقات قليلة جدًا فالمفروض ان أقل باقة ليكم اللي هي بـ 136.8 ج واللي معظمنا هنشترك فيها تكون أقل حاجة 500 أو 600 جيجابايت سعة استخدام على سرعة الـ 30 ميجابت مش 140 جيجا بالسعر ده !! انتم كده بتسرقونا حرفيًا
  • فين المنافسة؟! كل الشركات منزله نفس الأسعار بنفس الباقات تقريبًا ونفس السرعات! فين المنافسة واللي هيخليني افاضل ما بين دي أو دي. الوضع حرفيًا نكتة.. نكتة بايخة أوي.

وبكدا نكون قارننا ما بين الشركات الحالية في سرعات الإنترنت الجديدة في مصر، لو عندك أي تعليق سيبه في الكومنتات يشرفنا وجودك ^_^

لمزيد من التفاصيل، يمكنك الولوج لمواقع فودافون واتصالات ووي وأورانج
هل اعجبك الموضوع :

تعليقات

تعليقان (2)
إرسال تعليق

إرسال تعليق

تذكر قوله تعالى:
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏
----------------------------------------------------------------------
شكرًا على ثقتك بنا، لديك إستفسار أو نقد أو اقتراح أو أي شيء يخص الموضوع نحن نرحب بكم دائمًا. لا تنسى قبل أن تغادر أن تشاركنا رأيك وتترك بصمتك على الموضوع وتعلق

التنقل السريع